Am fanylion taith Dylan Thomas, ewch i:

http://www.dylanthomastrail.co.uk

Mae cysylltiad annatod rhwng Dylan Thomas, un o awduron enwocaf yr ugeinfed ganrif, â De Orllewin Cymru – o fan geni’r bardd, tref forol Abertawe ar gwr Penrhyn Gwyr, i fryniau gwyrdd godidog Sir Gaerfyrddin lle y treuliodd rhai o’i flynyddoedd hapusaf a mwyaf cynhyrchiol, i Sir Benfro, yr unig Barc Cenedlaethol Arfordirol yn y DU, a Cheredigion gyda’i thirwedd ffrwythlon a’i threftadaeth ddiwylliannol gyfoethog.

Heddiw, trwy gyfrwng print, radio a ffilm, mae gwaith Dylan Thomas yn cael ei fwynhau gan gynulleidfa eang ym mhob cwr o'r byd ac mae ymweliad â De Orllewin Cymru i ddilyn ‘taith’ y bardd yn dangos pa mor bwysig oedd dylanwad yr holl ranbarth ar yr awdur toreithiog hwn a edmygir gan lawer.

Mae’r wefan hon yn ceisio rhoi cyfle i chi fwrw golwg fanylach ar gysylltiad Dylan Thomas â’r ardal, p’un ai ydych chi’n teithio mewn car neu’n defnyddio trafnidiaeth gyhoeddus.